التخطي إلى المحتوى الرئيسي

جريدة صوت فلسطين والقدس للأدب والشعر- طموح -بقلم الشاعرة . فهيمة يوسف

                طموح   
 بقلم الشاعرة . فهيمة يوسف


              






قلبي الوفي بالحـلم عم يفرح
 ....... و شايف قلوب كتار فرحـاني
مشتاق يحكي وقصتو يشـرح
 .......لكن يا حسرة  الناس  غفلاني
تعبان في بحر الهوى يسـبـح
 ........ظن الهوى  أفراح  و غنانـــي
دنيا غريبه و أرضها مســــرح
 .......فيها الصخور  بشكل إنســاني
بتجمع جميع الناس و بتطـرح
 .......يلي بقلبو  صوت   رحمــــاني
ما عاد فيها للوفـــــا مطــــرح
 .......صار الطفل بيخاف الخيـــاني
و أغلى الغوالي بالقلب يجرح
 .......و يفرح بنزف الــدم شـــرياني
يا مين متلي يحلم و يطمـــح
........بليلـــة  سعيدة  وآه  تنسانــي
و يغفر خطايا ظالمو و يسمح
.......و روحو لأجل الحـــب خلقـاني
و قلوب صدّى غـــــالْها يفتح
 ...... و يزرع مكان الشــوك ريحاني
و خلّوا الأماني تسرح و تمرح
 .......و تفرح عيون دمــوع  مليـاني
لا بد كفّات العدل ترجــــــــح
 .........عندي  ثقة و بالحــب  إيماني
و أكبر دليـــــل بعينكم مَلْمَح
 ........ نور الهدى و النــــــور برهاني
يالله سوا ت همومــنا نشلح
 ,...و نكتب ع صفحات العمر كلمات
.....الله خلق هالحب منشـــاني ......
.................................................

تعليقات