تم نظم هذه القصيدة يوم الجمعة 11 / 1 / 2019 تحت عنوان : بذكر لمّا كنّا اصغار
ــــ بذكر لمّا كُنّا اصغار
أنا وِاخواني بِالدّار
خُبزِة زعتر تكفينا
وراس بَصَلْ بِالمِقدار
ــــ وبذكر لمّا أمي اتقوم
وتعمل شاي على النّار
وابوية ساند ظَهرو
مبسوط وماهو مِحتار
ــــ انا وِإخواني كمان
بِنْساعِدها جُوْا الدّار
ما أطيب خبز الطابون
مع زيت وفجل وخيار
ــــ بَذْكُرْ أولاد الجيران
وِحْنا نِلعَبْ بِالحارة
وِالّي أكبر مِنّا كانوا
هِوايِتهُمْ لُعب الكورة
ــــ بَذكُرْ لُعب البَنانير
وِجَمع بيض الشنانير
وِبَذكر صيد العصافير
ابشعبة تضرب لِحْجارة
ــــ بَذكُرْ لمّا كُنّا اصغار
وِحنا نِلعَب غُماية
كُنّا نفرح مهما صار
احنا وِوْلاد الحارة
ــــ بَذكُر لمّا كُنّا اصغار
وِنيجي نِعمَل طيارة
نِصنَع من علبة سردين
أحلى وأجمل سيارة
ــــ بَذكُر عصاة الأُستاذ
لمّا ابْيِمشي بالحارة
إلو قيمة وهيبة وِمِقدار
وِكانت إلو الصدارة
ــــ نِحسِبلو ألفين احساب
وِبنِتذكر وَقتْ العِقاب
في الحِصة كُنّا انهابو
في البيت أو في السيارة
ــــ يا ويلي شو صِرنا اليوم
الواحِد بحاكي حالو
ماسك بيليفون بين ايديه
بحكي وبِضحَك لحالو
ــــ وِصاحبو ابجنبو كمان
مِثل لِهْطَر على قبالو
والأُستاذ عقلو امشوش
في الحِصة ناسي حالو
ــــ بِفَكِر بالشهر إلّي جاي
وِكيف يِطعَم عِيالو
بِظَلو يِحلَمْ يا حرام
كيف يِساوي أجيالو
ــــ وِشوف البنت بالفيزون
لمّا تِطلَع على البلكون
ابأيدها حاملي تِلفون
والشَّب امضيع حالو
ــــ وِشوف الشَّب ابأعمالو
ماشي وِمسَحول سِروالو
امفتل شعروا مثل النّيص
مِتغاوي وِمُعجب بِحالو
ــــ وِالوالد مثل الكرسي
بِحكي وبصرخ على الفاضي
والأُم ابترقص على النغمات
بتقول ماني فاضي
ــــ ساعة ونص ابتتمكيج
وعلى المراية ابتتغنج
ولمّا تيجي مِنْ مِشوار
بِتفَكِر تِطلَع ثاني
ــــ وِلمّا تيجي الليل اتنام
بتنين قتيل وِتعبان
هَدّ حيلي شُغل الدّار
بعمل مِثل السعداني
ــــ يا عيني البنت الشقرة
عينيها زرقة وخضرة
لمّا اتقوم الصبح بَكير
بِتفكرها شيطاني
ــــ يِرحم أيام زمان
والحاكورة والأغمام
وِالوالد بالحقل ايكون
والأم ابجنبو قنعاني
ــــ بَذكُر أيام الحصيدة
وِجَمع الغلة وِلِدراس
على البيادر كُنّا انّام
ومن الصبح نِصحى ثاني
ــــ والأم ابتسرح على الزّيتون
ابترجع ابحزمة طيّون
ابإيدها حاملي أغراض
أو على راسها حاملي جوني
ــــ وِنقل المية مِنْ لِبيار
بالطناجر وِلِجرار
ـــ هذي القِصص ابنحكيها
للأجيال التعباني
ــــ وِبَذكُر أيام الدراسي
على السّراج وِالنواسي
وقتها كُنّا انقاسي
ابأشكال وِألواني
ــــ الجميع بينام ابغرفة
مع لِحمار والعنزة
والعتقية اتظلها تقرك
تحتها بيض وِصيصاني
ــــ بَذكُر لمّا كُنّا اصغار
وابويه يطلع مِشوار
يوصينا ليل وِنّهار
الأرض عرضك الثاني
ــــ لكِنّها أيام حلوة
صدقوني يا إخواني
مهما نِعلى ومهما انصير
السعادة ما ابترجع ثاني
الشاعر أبو نمر السرطاوي
ــــ بذكر لمّا كُنّا اصغار
أنا وِاخواني بِالدّار
خُبزِة زعتر تكفينا
وراس بَصَلْ بِالمِقدار
ــــ وبذكر لمّا أمي اتقوم
وتعمل شاي على النّار
وابوية ساند ظَهرو
مبسوط وماهو مِحتار
ــــ انا وِإخواني كمان
بِنْساعِدها جُوْا الدّار
ما أطيب خبز الطابون
مع زيت وفجل وخيار
ــــ بَذْكُرْ أولاد الجيران
وِحْنا نِلعَبْ بِالحارة
وِالّي أكبر مِنّا كانوا
هِوايِتهُمْ لُعب الكورة
ــــ بَذكُرْ لُعب البَنانير
وِجَمع بيض الشنانير
وِبَذكر صيد العصافير
ابشعبة تضرب لِحْجارة
ــــ بَذكُرْ لمّا كُنّا اصغار
وِحنا نِلعَب غُماية
كُنّا نفرح مهما صار
احنا وِوْلاد الحارة
ــــ بَذكُر لمّا كُنّا اصغار
وِنيجي نِعمَل طيارة
نِصنَع من علبة سردين
أحلى وأجمل سيارة
ــــ بَذكُر عصاة الأُستاذ
لمّا ابْيِمشي بالحارة
إلو قيمة وهيبة وِمِقدار
وِكانت إلو الصدارة
ــــ نِحسِبلو ألفين احساب
وِبنِتذكر وَقتْ العِقاب
في الحِصة كُنّا انهابو
في البيت أو في السيارة
ــــ يا ويلي شو صِرنا اليوم
الواحِد بحاكي حالو
ماسك بيليفون بين ايديه
بحكي وبِضحَك لحالو
ــــ وِصاحبو ابجنبو كمان
مِثل لِهْطَر على قبالو
والأُستاذ عقلو امشوش
في الحِصة ناسي حالو
ــــ بِفَكِر بالشهر إلّي جاي
وِكيف يِطعَم عِيالو
بِظَلو يِحلَمْ يا حرام
كيف يِساوي أجيالو
ــــ وِشوف البنت بالفيزون
لمّا تِطلَع على البلكون
ابأيدها حاملي تِلفون
والشَّب امضيع حالو
ــــ وِشوف الشَّب ابأعمالو
ماشي وِمسَحول سِروالو
امفتل شعروا مثل النّيص
مِتغاوي وِمُعجب بِحالو
ــــ وِالوالد مثل الكرسي
بِحكي وبصرخ على الفاضي
والأُم ابترقص على النغمات
بتقول ماني فاضي
ــــ ساعة ونص ابتتمكيج
وعلى المراية ابتتغنج
ولمّا تيجي مِنْ مِشوار
بِتفَكِر تِطلَع ثاني
ــــ وِلمّا تيجي الليل اتنام
بتنين قتيل وِتعبان
هَدّ حيلي شُغل الدّار
بعمل مِثل السعداني
ــــ يا عيني البنت الشقرة
عينيها زرقة وخضرة
لمّا اتقوم الصبح بَكير
بِتفكرها شيطاني
ــــ يِرحم أيام زمان
والحاكورة والأغمام
وِالوالد بالحقل ايكون
والأم ابجنبو قنعاني
ــــ بَذكُر أيام الحصيدة
وِجَمع الغلة وِلِدراس
على البيادر كُنّا انّام
ومن الصبح نِصحى ثاني
ــــ والأم ابتسرح على الزّيتون
ابترجع ابحزمة طيّون
ابإيدها حاملي أغراض
أو على راسها حاملي جوني
ــــ وِنقل المية مِنْ لِبيار
بالطناجر وِلِجرار
ـــ هذي القِصص ابنحكيها
للأجيال التعباني
ــــ وِبَذكُر أيام الدراسي
على السّراج وِالنواسي
وقتها كُنّا انقاسي
ابأشكال وِألواني
ــــ الجميع بينام ابغرفة
مع لِحمار والعنزة
والعتقية اتظلها تقرك
تحتها بيض وِصيصاني
ــــ بَذكُر لمّا كُنّا اصغار
وابويه يطلع مِشوار
يوصينا ليل وِنّهار
الأرض عرضك الثاني
ــــ لكِنّها أيام حلوة
صدقوني يا إخواني
مهما نِعلى ومهما انصير
السعادة ما ابترجع ثاني
الشاعر أبو نمر السرطاوي
تعليقات
إرسال تعليق